Vitin e shkuar, gjatë reality- t “Keeping Up With The Kardashians” Kim dhe Kendall folën për përballjen e tyre me ankthin, krizat e panikut dhe paralizën që i ndodhte gjatë gjumit veçanërisht Kendall- it.
Për “Harper’s Bazaar”, botimi i të cilës do të bëhet në shkurt, modelja foli dhe tregoi për gjendjen e saj dhe shkaktarët.
Ajo i tregoi intervistueses Cara Delevingne se i ndodhte të zgjohej në mes të natës me kriza paniku. E pyetur nga Cara se çfarë e shqetësonte, Kendall u përgjigj:
“Nga t’ia nis! Gjithçka është kaq e tmerrshme, e kam të vështirë t’ia drejtoj gishtin diçkaje. Futesh online dhe sheh se si njerëzit thonë gjërat më të tmerrshme për njëri- tjetrin dhe është kaq e vështirë të qëndrosh pozitive. Është kaq e vështirë të mos të të përpijë gjithë ai negativitet.
Modelja tha se ka ditë që dëshiron të arratiset në një udhëtim në Disneyland apo të shkojë të pushojë në det.
“Disa ditë dua të shkoj të jetoj në një fermë, të mos flas me njeri dhe të ekzistoj në mes të asgjëkundit.”
Për sa i përket rrjeteve sociale ajo tha se në Instagram ndjek më së shumti llogari me foto kafshësh dhe se ka kohë që ka hequr dorë nga leximi i komenteve.
“Mendoj që bota ka nevojë për më shumë dashuri. Sa do të doja të kisha forcën ta dërgoja Cupid- in kudo nëpër planet.” është shprehur ajo.
