Mbrëmjen e djeshme, gazetari Arian Çani dhe Denis Dyrnjaja ishin të ftuar në studion e “360 gradë” në Ora News. Pas replikave dhe diskutimit të tensionuar, gazetarët kanë kaluar në akuza personale dhe ofendime.
Gjatë fjalës së tij, në bisedë e sipër, teksa po fliste për lidhjen e Macronit me Merkelin dhe bashkëpunimin e tyre me SHBA, Dyrnjaja u shpreh:
“Je në kohë atje ku është fillimi, je pas kohe atje ku është Çani, që s’di asgjë dhe ia fut kot.”
Nuk ka vonuar replika e menjëhershme e Çanit:
“Nuk po të ofendoj! Argumentet e tua janë tërësisht naive. Ti je infantil. Ti je mësuar të japësh vetëm lajmet dhe thjesht dëgjon ç’thonë lajmet.”
“Kur jepja unë lajmet, ti haje patate të skuqura me salçiçe te dera e "Koha Jonë", se kishe ardhur nga Gjirokastra. Mos të kalojmë në personale.” është kundërpërgjigjur Dyrnjaja.
“Unë nuk të fyeva. Ti më tregon mua se çfarë jam, se nga jam. Ti je kalama përpara meje.” tha Cani
“Kur kam bërë unë lajme, ti ishe për një copë picë.” vazhdoi Dyrnjaja.
“Je fëminor dhe je edhe debil. Ti je idiot.” ka përfunduar Arjan Çani.
