Foto: theelmhouse/ Pinterest

A e ke zakon të humbasësh fokusin ndërsa pastron? Edhe nëse e fillon nga dhoma e ndenjjes, mjafton një grumbull gjërash në kuzhinë që të të tërheqë vëmendjen dhe papritur e gjen veten duke rregulluar ato. Para se të mbarosh aty, të kujtohet që gjithmonë ke dashur të organizosh dollapin poshtë lavamanit në banjo, por sa hap e mbyll sytë, je duke fshirë me fshesë elektrike në dhomën e gjumit.

Edhe pse kjo mënyrë e çakorduar të duket sikur po bën shumë, në të vërtetë rrallë çon në një pastrim të mirëfilltë dhe mund të të lodhë shumë shpejt. Për të qëndruar të përqendruar dhe për të qenë më produktivë, shumë njerëz përdorin teknikën “pastrimi me zona” si një mënyrë efektive për të sistemuar çdo hapësirë të shtëpisë. Ideja është të ndash shtëpinë në zona, të zgjedhësh një vend dhe të pastroni vetëm atë zonë dhe vetëm atë, derisa të shkëlqejë.

Në TikTok, një krijuese ka folur për këtë truk pastrimi dhe sa shumë e ka ndihmuar.

“Kam zbuluar që kjo qasje më e përqendruar më ndihmon ta mbaj shtëpinë të pastër dhe është më pak e lodhshme,” tha ajo në një video.

Një krijuese tjetër tha që pastrimi me zona është ajo që e ndihmoi më në fund të krijojë një rutinë që funksionon, në vend që të pastrojë rastësisht pa bërë ndonjë përparim real. Ajo i dedikon 30 minuta çdo ditë pastrimit të një dhome.

Në komente, dikush shkroi: “Kjo është jashtëzakonisht ndihmuese!” Të tjerë përmendën edhe FlyLady, e cila e nisi këtë metodë që në vitet '90. Ja çfarë duhet të dish:

Çfarë është “pastrimi me zona”?

Sipas @brittneal1106, pastrimi me zona ka tre komponentë kryesorë:

- Ndaje shtëpinë tënde në zona.

- Krijo një listë të detajuar për çdo zonë, çfarë duhet bërë aty.

- Dediko kohë të caktuar për të kaluar nëpër listë dhe për të kryer detyrat.

Në mënyrë ideale, përqendrohesh në një zonë në javë, duke i kushtuar 15 minuta çdo ditë për të ecur përpara me detyrat. Por, nëse preferon, mund t’i futesh punës më thellë dhe t’i dedikosh një apo dy orë derisa ta përfundosh tërësisht. Gjithçka varet nga nivelet e tua të energjisë dhe koha që ke në dispozicion.

Si të fillosh

Për të filluar, ndaj çdo dhomë ose "zonë" të shtëpisë tënde.

Ideja është të zgjedhni një zonë dhe ta pastroni në mënyrë metodike derisa të jetë e pastër plotësisht. Për shembull, në dhomën e ndenjjes: hiq rrëmujën, pastro sipërfaqet dhe palos batanijet. Në dhomën e gjumit: laji çarçafët, fshi komodinat, mblidh rrobat nëpër dhomë, fshi me fshesë dhe rregullo krevatin.

Për ta bërë më argëtuese, mund të zgjedhësh "zonën" në mënyrë të rastësishme, për shembull, duke tërhequr një numër nga një kuti ose të krijosh strukturë duke caktuar një zonë për çdo ditë të javës. Kjo e fundit është perfekte për ata që janë “Virgjëresha të vërteta”, shenja të tokës që duan pastërti dhe rregull ose për ata që duan thjesht të sillen si të tillë për një ditë.

^{Burimi: Bustle}