Jasmine Dauphine është 18 vjeç dhe mbrëmja e saj e maturës duhej të mbahej këtë qershor, por u anulua, për  shkak të pandemisë së koronavirusit.

Sidoqoftë, ajo vendosi të vishte fustanin që kishte pritur për kaq kohë dhe të bënte një set fotografish, për të kujuar mbrëmjen, që nuk u bë kurrë.

“I bëra këto foto, sepse doja të thosha se bëra diçka për mbrëmjen e maturës dhe doja ta gëzoja sadopak veten.”

Jasmine pozoi në Monunentin e Washington dhe Memorialin Lincoln.

Ndërsa Dauphine ishte gati të largohej, një fotografe e ndaloi dhe e pyeti nëse mund t’i bënte disa foto edhe ajo.

“Unë vura re Jasmine nga larg dhe mendova direkt: Duhet t’i bëj disa fotografi asaj!”, tha Sara Isabella Ortiz, një fotografe dasmash, 24-vjeçare.

Ortiz kujton se nxitoi për në shtëpi për të redaktuar fotot sa më shpejt që të mundte, në mënyrë që t'i dërgonte ato te Dauphine.

"Unë jam 10,000% e sigurt që ajo tërhoqi jo vetëm vëmendjen time," tha ajo, "por vëmendjen e të gjithëve atë ditë me bukurinë e saj!"

Prej pak ditësh, postimet janë bërë virale dhe fotografitë janë pëlqyer më shumë se gjysmë milionë herë në Twitter.

Edhe aktorja e “The Good Place”, Jameela Jamil shpërndau fotot.

Jasmine dhe fotografja, janë të dyja njësoj të shokuara për vëmendjen që mori i gjithë foto-sesioni.

“Jam plotësisht e tronditur. S’më besohet që kjo po ndodh!”, u shpreh Isabella.

"Është personi më mirë i veshur i vitit!"

"Fustani, flokët, fytyra, lëkura! Do ua kalonte të gjithëve!"

"Dua të organizoj një mbrëmje mature vetëm për të!"

Burimi: Buzz Feed