E ftuar tek “Rudina”, në TV Klan pasditen e djeshme ka qenë gazetarja e njohur sportive Vilma Masha. Përpos rrëfimit që ka bërë rreth eksperiencave të saj në ekran, ajo ka ndarë me të gjithë disa detaje rreth jetës private.
Edhe pse nuk është hera e parë që e pranon publikisht se prej kohësh është në një lidhje të gjatë dhe të rëndësishme për të, martesa nuk ka qenë në planet e afërta.
Modratorja, tregon se partneri i saj nuk i përket botës së televizionit dhe as fushës së sportit dhe për këtë ajo është e lumtur.
“Nuk e di nëse është fat apo zgjedhje, por s’kam dashur që partneri im të jetë pjesë e botës së ekranit. Do shikoja dhe ndjeja një lloj gare, siç e vë re tek kolegët e mi. Ndërsa kur vjen nga profesione të ndryshme, ke gjithmonë diçka për të ndarë dhe për t’i treguar.”- shprehet Vilma.
Ndërsa kur vjen puna tek martesa, tregon se nuk ecën me plane dhe kurrë se ka bërë këtë por një propozim i shpejtë nuk do ta bezdiste aspak. “S’kam qenë kurrë e fiksuar që do mbaroj shkollën, do fejohem, do martohem si shumë vajza duan. Nuk e di se kur mund të vij, por në në momentin që do të vijë propozimi...jam gati!”- vazhdon ajo.
Pra me pak fjalë, dashur pa dashur Vilma e propozoi publikisht të dashurin që të nxitojë pak me propozimin sepse dikush është gati të thotë “PO”.
