Demi Lovato njoftoi anulimin e disa datave të turneut për arsye shëndetësore. Lajmin e bëri të ditur me ndjekësit ditën e djeshme përmes një postimi në Instagram:
"Jam shumë e emocionuar që këtë vit do të rikthehem në skenë dhe do t'ju vizitoj në aq shumë qytete sa mundem. Ndërsa fillova përgatitjet për turneun, kuptova se kam tejkaluar atë që mund të përballoja. Për të ruajtur shëndetin tim dhe për të siguruar që mund t’ju jap maksimumin në çdo shfaqje, duhet të gjej më shumë kohë për pushim dhe prova dhe në fund, të përshtas një orar me më shumë pushime, që do të më lejojë të përballoj gjithë turneun si duhet."
Demi Lovato tha se do të anulonte shfaqjet e planifikuara për muajin prill në Charlotte (N.C.), Nashville, Atlanta, Las Vegas dhe Denver. Më tej, ajo tha se është mërzitur për këtë pamundësi, ndërsa njoftoi se më 13 prill do të jetë në Orlando për të filluar turneun e saj atje.
Edhe pse nuk dha shumë detaje mbi gjendjen shëndetësore, kjo nuk është hera e parë që këngëtarja shprehet e shqetësuar publikisht mbi shëndetin e saj. Një muaj më pare, ajo publikoi një foto me bikini ku dukej qartë humbja e madhe e peshës.
Pas turneut të saj “Holy Fvck” në vitin 2022, ajo njoftoi se nuk do të bënte më turne të tjerë, madje në shtator të atij viti postoi në Instagram diçka mbi gjendjen e saj:
“Jam shumë e sëmurë, nuk mund të dal nga shtrati. Nuk mund ta bëj më këtë. Turneu tjetër do të jetë i fundit. Ju dua dhe ju falënderoj!”
-
Demi Lovato sjell trendin e ri të thonjve për vjeshtë
17 Shtator, 09:38 -
-
