Pantone ka zbuluar ngjyrën e vitit 2026 dhe zgjedhja e këtij viti është sa interesante, aq edhe simbolike.
Njihuni me Cloud Dancer (ai/ajo që vallëzon me retë), nuanca e parë e bardhë që merr këtë përcaktim nga autoriteti botëror i ngjyrave. Cloud Dancer teknikisht nuk është aspak një ngjyrë në kuptimin klasik.
Në njoftimin zyrtar, Pantone e përshkroi Cloud Dancer si:
“Ashtu si një kanavacë e bardhë, ajo simbolizon dëshirën tonë për një fillim të ri. Duke zhveshur shtresat e mendimeve të vjetruara, ne hapim derën për mënyra të reja të të menduarit dhe qasje të reja,” tha Pantone në njoftimin e saj.
Sipas Pantone, nuanca PANTONE 11-4201 Cloud Dancer ka një “prani të lehtë si ajri”, që vepron si “një pëshpëritje qetësie dhe paqeje në një botë të zhurmshme”.
Ky është rasti i parë që Pantone zgjedh të bardhën si ngjyrën e vitit, që prej fillimit të kësaj tradite në vitin 1999. Zgjedhja e Cloud Dancer shënon një largim nga tonet e forta që zakonisht marrin vëmendjen, duke reflektuar nevojën globale për thjeshtësi, qartësi dhe frymëmarrje.
Pantone është një kompani globale e standardizimit të ngjyrave. Çdo vit, Pantone Color Institute - një ekip ekspertësh të ngjyrave dhe studiuesish të trendeve - përzgjedh ngjyrën që do të dominojë në dizajn, modë, art, teknologji dhe kulturë.
