Children’s Health Defense, një grup i themeluar nga aktivisti kundër vaksinave, Robert F. Kennedy, po hedh në gjyq Facebook dhe partnerët e tij të “fact-checking” (një opsion i ri i Facebook dhe Instagram, i cili e bllokon postimin, nëse ai përmban lajme të rreme). Kjo padi po bëhet për shkak të kundërshtimit që kjo organizatë ka patur, ndaj reklamave për vaksinat kundër Covid-19 dhe rrjetet 5G. Ankesa ligjore i është drejtuar Facebook, dhe CEO-s së tij, Mark Zuckerbeg si dhe tre organizatave që bashkëpunojnë për “fact-checking”: PolitiFact, Science Feedback dhe Poynter Institure.

Kennedy ishte një personat kryesorë që u targetuan në “pastrimin” e reklamave anti-vaksinë të Facebook, përpara se platforma të hidhte reklama të vaksinave dhe të ndalonte së rekomanduari faqe kundër vaksinës.

Si pjesë e kësaj përpjekjeje, Facebook vendosi një shënim në faqen e organizatës “Children’s Health Defense (CHD)”, që thoshte: “Kjo faqe poston për vaksinat” dhe çaktivioi aftësinë e organizatës për të bërë mbledhje fondesh. Procedura gjyqësore thotë se “fact-checkers” censuruan shumë nga postimet e organizatës, duke çuar në një ulje trafiku (përdoruesish) të faqes me 95%.

CHD thotë se Facebook, po përpiqet të tregojë se organizata e Kennedy-t nuk është e besueshme dhe promovon pretendime të pasakta shkencore dhe se vaksinat janë zakonisht të sigurta, efektive dhe jashtëzakonisht të dobishme. Organizata nuk ndan të njëjat mendime në lidhje me këtë.

Shumë politikanë konservatorë kanë pohuar se Facebook dhe platformat e tjera të mediave sociale shfaqin paragjykime politike dhe disa padi të dështuara janë ngritur mbi këtë bazë, por çështja e organizatës CHD premton më shumë përpjekje për të ndaluar Facebook, Twitter dhe Google të kenë “këtë lloj censure”.

Platformat e rrjeteve sociale kanë luftuar prej kohësh për të ndaluar lajmet e rreme, sidomos ato shkencore, të përhapen në internet, por si gjithnjë është e vështirë të ketë një filtrim të plotë dhe do të ketë gjithmonë pakënaqësira nga përdoruesit.

Burimi: The Verge