Të rinj dhe të reja, vajza dhe djem, qytetarë të thjeshtë e personazhe publikë iu bashkuan protestës paqësore në sheshin “Nënë Tereza”, qëllimi i të cilës është vendosja e abuzimeve seksuale në qendër të vëmendjes, nisur nga rastet e fundit të bëra publike. Marshimi nisi në orën 16:00 dhe më pas, të pranishmit u drejtuan drejt kryeministrisë, më pas qendrës së qytetit dhe Rrugës së Durrësit te "Ministria e Arsimit". Pritet që protesta të vazhdojë deri në mbrëmje, për t’i dhënë mundësinë edhe njerëzve që ndodhen në punë që të bashkohen.
View this post on Instagram
Nëpër pankarta shkruhej: “Jam këtu për ty”, “Ti nuk je fajtore”, “Respekto prejardhjen tënde”, “Heshtja është mohim”, “Jo është jo”, “Ajo nuk është veshur si e ‘përdalë’, ti thjesht po mendon si përdhunues”, “Koha nuk pret, koha është tani! Nuk ka falje për përdhunuesit”, “Burrat e vërtetë janë feministë”, “Dënim me vdekje”, “Mësojini djemtë të mos përdhunojnë, jo vajzat të kenë kujdes!” etj.
Deri në këto momente, nuk ka pasur asnjë incident.
