North West duket se nuk ka qenë fansja më e madhe e veshjes së të ëmës në eventin e fundit të Met Gala.
Në këtë sezon të “The Kardashians”, North u shpreh me rezerva për fustanin me perla që Kim kishte zgjedhur për këtë aktivitet.
Kur North e pa përmes FaceTime për herë të parë fustanin, 9-vjeçarja në ato kohë u shpreh se i pëlqente shumë zgjedhja. Kjo ishte hera e parë që North tha: "Oh wow, kjo është kaq e bukur!"
Por, vogëlushja në fund mendoi se stilisti mund të kishte bërë edhe më mirë dhe nuk u kursye që mendimin ta thoshte publikisht. "Më pëlqejnë perlat," tha North. "Por, Kim duket si një vajzë nga Hawai me fustanin e saj të grisur," shtoi North.
Sipas stilistit, fundi dhe pjesa e sipërme e fustanit ishin bërë nga 50 mijë perla dhe mbi 16 mijë kristale. North tha se kishte “shumë boshllëqe te perlat” në veshje dhe se diamantet e kishin shkatërruar në tërësi veshjen.
Për realizimin e këtij fustan u deshën një duzinë artizanësh dhe mbi një mijë orë punë, pasi çdo fije perlash ka qenë e lidhur dhe e mbështjellë në trupin e Kardashian.
Kim iu përgjigj së bijës për t’u mbrojtur:
“Jo, jo, mendoj se e ke gabim këtu”, tha ajo. "Këto janë perla shumë të shtrenjta, të vërteta. Mendoj se ke nevojë për një mësim mbi perlat,” shtoi Kim Kardashian.
Me sa duket, Kim e ka kritiken më të madhe të stilit brenda familjes së saj! North, qartazi është vajza e Kanye West!
Burimi: Today
