Kulla Eiffel është simboli i padiskutueshëm i qytetit të dashurisë, Parisit. Objekti i lartë prej metali është kthyer në atraksionin turistik dhe destinacionin e preferuar të të gjithë turistëve. Por, po sikur t’ju themi që në vitin 2018 një tjetër “kullë Eiffel” do zërë vendin e asaj të Parisit?
Bëhet fjalë për projektin e quajtur “Vessel”, i realizuar nga studioja arkitekturore Heatherwick Studio, që për herë të parë u prezantua të mërkurën për publikun. Kulla do të vendoset në një hapësirë të madhe në Manhattan; do të jetë 46 metra e lartë si dhe 15 metra e gjerë në bazë. Më e vëçantë akoma është arsyeja përse kjo kullë do ndërtohet. Ideatorët dhe financuesit e saj synojnë të krijojnë një palestër gjigande, ku njerëzit të hipin dhe të zbresin duke zëvendësuar kështu pajisjet nëpër palestra. Vessel do të ketë 2500 shkallë dhe do të kushtojë 200 milionë dollarë.
