Pas vajzës së Johny Depp dhe asaj të Cindy Crawford, një tjetër adoleshente me prindër të famshëm po pushton botën e modës. Bëhet fjalë për Iris Law-n, vajzën e aktorit Jude Law, që së fundmi është rekrutuar nga marka prestigjioze Burberry, si ambasadore për linjën më të re të buzëkuqëve.
16-vjeçarja është fëmija i dytë i Law-t me ish-bashkëshorten, aktoren Sadie Frost. Iris Law, e cila ndjek shkollën e mesme, u shpreh se është tepër e emocionuar për bashkëpunimin e saj me markën ikonike britanike dhe shpreson të ndjekë hapat e modeleve të tjera të njohura si Kate Moss, Cara Delevingne etj, që gjithashtu kanë punuar për këtë markë.
Iris, me sytë fantsatikë dukshëm të trashëguar nga i ati i famshëm, ka pozuar pak kohë më parë për një editorial në revistën “Vogue”. Pra, një gjë është e sigurt: emrin e kësaj vajze do ta dëgjoni gjithnjë e më shpesh, sepse po bën namin!
Burimi: Vanity Fair
