Getty Images

Vetëm pak ditë pasi paraqiti kërkesën për divorc nga Keith Urban, Nicole Kidman u shfaq sërish në publik me një pamje mjaft tërheqëse. Ajo ishte e shoqëruar nga vajzat e saj, Sunday Rose (17) dhe Faith Margaret (14).

Aktorja mori pjesë në sfilatën e modës Chanel, si pjesë e Javës së Modës në Paris, më 6 tetor. Kidman zgjodhi një këmishë të bardhë, të lirshme, të kombinuar me pantallona blu të çelët dhe një çantë të kuqe, ndërsa grimi i saj ishte i lehtë dhe natyral, me nuanca rozë dhe nude.

Megjithatë, detaji që ra më shumë në sy ishte modeli i ri i flokëve me balluke, të cilat shumë fansa i quajtën ndryshimi i saj më elegant prej kohësh, madje disa e cilësuan si "modeli më i bukur i flokëve pas një ndarjeje". 

“Ajo duket e mrekullueshme me balluke,” shkroi një ndjekës në rrjetet sociale, ndërsa një tjetër shtoi: “Je mishërimi i elegancës!”

Nicole e shndërroi këtë paraqitje edhe në një moment familjar të ëmbël, duke ecur dorë për dore me vajzat e saj. 

Po atë mëngjes, Nicole Kidman u shpall ambasadorja e re e Chanel. Në një intervistë për WWD, ajo u shpreh:

“Si një person që e vlerëson thellësisht modën, mezi pres të shoh vizionin e Matthieu Blazy. Chanel gjithmonë ka qenë gjithmonë një hap para, duke nxjerrë në pah gratë me inteligjencë dhe elegancë. Jam e sigurt se Matthieu, ashtu si Karl Lagerfeld më parë, do ta vazhdojë këtë trashëgimi.”

Kjo paraqitje vjen në një moment të rëndësishëm personal për aktoren. Më 30 shtator, vetëm një ditë pas njoftimit për ndarje, Kidman paraqiti kërkesën për divorc nga Keith Urban, me të cilin ishte martuar që nga viti 2006. Ajo kërkon kujdestarinë e fëmijëve të tyre.

Sipas burimeve për revistën People, të dy po vazhdojnë angazhimet e tyre profesionale: Kidman është përqendruar në projektet filmike dhe bashkëpunimet me markat e modës, ndërsa Urban vazhdon turneun e tij në SHBA. Vetëm pak ditë para paraqitjes së Nicole në Paris, këngëtari u pa pa unazën e martesës gjatë një koncerti në Pensilvani dhe ndryshoi një pjesë të tekstit të këngës së tij “You’ll Think of Me”, duke lënë të kuptohet se ndarja ishte e vërtetë.

Ky nuk është divorci i parë për aktoren. Nicole Kidman ka qenë më parë e martuar me Tom Cruise nga viti 1990 deri në 2001.