Nicole Kidman dhe Keith Urban janë ndarë pas 19 vitesh martesë dhe 20 vitesh lidhje, sipas disa burimeve mediatike që kanë konfirmuar lajmin. Çifti, i cili ka dy vajza, Sunday Rose, 17 vjeçe dhe Faith Margaret, 14 vjeçe, thuhet se ka jetuar në shtëpi të ndara që prej fillimit të verës.
Sipas E!News, Kidman ka aplikuar për të marrë rezidencën në Portugali, pa përfshirë emrin e bashkëshortit të saj në formular, çka ka rritur më tej spekulimet për një ndarje të afërt.
Të dy u shfaqën për herë të fundit publikisht së bashku në Kupën e Botës për Klube FIFA 2025, në qershorin e kaluar. Në të njëjtin muaj, Kidman postoi një mesazh të ëmbël për përvjetorin e 19-të të martesës së tyre, pa lënë të kuptohej asnjë problem në marrëdhënie.
Kidman dhe Urban u njohën në janar të vitit 2005. Aktorja ka treguar më parë:
“U dashurova marrëzisht me të, por ai nuk ishte i interesuar. Kjo është e vërteta! Iu deshën katër muaj që të më telefononte.”
Në një intervistë të vitit 2020, Urban shprehej me dashuri për Kidman:
“Ajo ishte gjithçka që kisha kërkuar gjatë gjithë jetës. Gjithçka ndryshoi, por edhe unë duhej të ndryshoja nëse doja ta mbaja këtë lidhje.”
Megjithatë, sipas raporteve më të fundit, vendimi për ndarje ka ardhur nga Urban. Burime të afërta me çiftin bëjnë me dije se Kidman është përpjekur të shpëtojë martesën, sidomos pasi bashkëshorti i saj u zhvendos në një shtëpi tjetër në të njëjtin qytet, ndërsa ajo vazhdonte të kujdesej për vajzat e tyre.
