Carrie Bradshaw, duket se ka shpikur teorinë e “këpucëve të gabuara”, thënë ndryshe kombinimin e veshjes me një palë këpucë që nuk do e besonim kurrë se do dukeshin bukur bashkë.  Kush mund ta harrojë episodin “Escape from New York” nga sezoni 3, ku ai mbante veshur dy këpucë krejtësisht të ndryshme?

Aktorja Sarah Jessica Parker e ka aplikuar këtë koncept më së mirë në daljet e saj.

Këtë javë, Parker mbërriti në Francë për të festuar publikimin e sezonit të tretë të “And Just Like That…” më 29 maj. Ajo u shfaq me një fustan të zi, me mëngë të gjata, jakë të qëndisur me gurë, mëngë me detaje, duke lënë të kuptohet se është frymëzuar nga moda e shekullit të 17-të.

Megjithatë, detaji më i veçantë i Carrie-t ishin këpucët: taka me majë të hapur, ngjyrë rozë, me rrip në kyçin e këmbës. Dukeshin si një zgjedhje e minutës së fundit, por kontrasti i tyre me fustanin retro-gotik ishte plotësisht i qëllimshëm. Shkëlqimi, ngjyra dhe ndjesia e “këpucëve të gabuara”, shfaqën në fakt një version mjaft të sofistikuar të veshjes dhe shuuumë të guximshëm.