Artan Lame ka ndërruar jetë në moshën 58-vjeçare.

Mësohet se Lame ndërroi jetë në Mynih ku kishte shkuar për një ndërhyrje në zemër. Siç raportojnë mediat, ai humbi jetën pas daljes nga gjendja e komës.

Artan Lame drejtoi për disa vite Agjencinë e Legalizimit, Urbanizimit dhe Integrimit të Zonave Informale (ALUIZNI) dhe mbajti poste të tjera shtetërore në qeverinë e Partisë Socialiste. Ishte gjithashtu pjesë aktive në politikë dhe kandidoi si deputet në zgjedhjet parlamentare të viteve 2005, 2009 dhe 2013.

Nga viti 1999-2000, ai ka qenë Drejtor i Trashëgimisë Kulturore në Ministrinë e Kulturës. Po ashtu, nga viti 2000-2002 ka mbajtur postin e Nënkryetarit të Bashkisë së Tiranës.

Përveç veprimtarisë politike, Artan Lame njihej për pasionin ndaj historisë shqiptare, trashëgimisë kulturore dhe mbrojtjes së objekteve me rëndësi kombëtare. Si publicist dhe opinionist, shpesh kontribuoi me shkrime dhe qëndrime të argumentuara mbi çështje që preknin identitetin dhe kujtesën kolektive të shqiptarëve.

Ngushëllime familjes!