Ti je ndarë, ke vazhduar jetën, ke folur me miqtë, ia ke dalë ta harrosh ose të paktën ta lësh pas historinë tënde, por papritur, diçka ta prish paqen: thumbime të fshehura në rrjete sociale, sekrete ose mashtrime që dalin te miqtë e përbashkët se je ti je një person i tmerrshëm, dy thirrje të humbura (me/pa privat), mesazhe në Instagram etj. Pavarësisht se ti do të doje të vazhdoje rrugëtimin drejt shërimit, e gjen veten duke jetuar falas në kokën e tij/saj.
 
“Llojet e caktuara të lidhjes mund të ndikojnë në mënyrën se si përjetohet një ndarje,” thotë Jo Coker, psikologe dhe drejtoreshë e terapisë dhe trajnimit në kolegjin e “Terapistëve të Marrëdhënieve dhe Seksualitetit” (COSRT).

“Për ata me tipologji të pasigurt lidhjeje, ndarja mund të jetë veçanërisht e vështirë dhe mund të përballen me vështirësi për t’u përshtatur, të bëhen “të ngjitur” dhe të mos duan të heqin dorë”.

Të tjerë mund të reagojnë me inat për të mbrojtur krenarinë e tyre.

“Kur njerëzit lëndohen, shpesh projektojnë dhimbjen dhe zemërimin e tyre te shkaktari i perceptuar i dhimbjes dhe përpiqen t’i bëjnë të tjerët të ndiejnë dhimbjen e tyre dhe të vuajnë për atë që kanë shkaktuar”, thotë psikologia.

Disa skenare kur një “fantazmë” e së shkuarës të përndjek:
 
Të kontakton 
 
“Një ish që të kontakton pa dëshirën tënde, fizikisht ose përmes mesazheve online, mund të të bëjë të ndihesh shumë në siklet, prandaj është e rëndësishme që ndarja të jetë e qartë dhe të mos zbutet arsyeja, me qëllim që të mos lëndohet personi tjetër,” thotë psikologia.
 
Kjo mund të sabotojë edhe lidhjet e ardhshme.

“Një ish që nuk largohet mund ta bëjë partnerin e ri të ndiejë se ka diçka të papërfunduar,” thotë Coker, duke shtuar se kjo mund ta pengojë lidhjen e re të zhvillohet.

Është e rëndësishme të kuptohet se nëse sjellja kalon nga "bezdisëse" në "ngacmuese", duhet trajtuar si e tillë.

Një ish që flet keq për ty te miqtë e përbashkët

Shpesh çiftet njihen përmes miqve, çka është pozitive në fillim, por mund të shkaktojë tension kur lidhja përfundon. 

“Njerëzit lëndohen dhe ndoshta ende duan personin me të cilin janë ndarë. Shpesh, e projektojnë këtë dhimbje duke kërkuar konfirmim nga të tjerët, për të provuar se ata janë viktima.” 

Reagimi më i mirë është të mos reagosh fare!

“Unë nuk do të përfshihesha, sepse përfshirja vetëm sa e ushqen më shumë këtë situatë”, shprehet ajo, duke shtuar se mund t’u kërkosh edhe miqve të mos transmetojnë më komente tek ti.

Një ish që të shkruan ‘si mik’, por shpesh e tepron

“A mund të jesh mik me një ish? Po—nëse të dy respektojnë që marrëdhënia ka përfunduar dhe nuk kalojnë kufijtë,” thotë Coker. “Por nuk mund të jesh mik me dikë që e tepron kur është i dehur,” thotë ajo. “[Duhet të jesh] shumë i/e qartë për çdo formë komunikimi që do të lejosh.” 

Psikologia gjithashtu sugjeron të shohësh edhe veten: A po e ke ti rolin e gabuar në këtë situatë duke u treguar tepër i afërt me personin tjetër?

Një ish që ende të do, dhe miqtë e përmendin shpesh, edhe kur ke një partner të ri

Kjo është pa dyshim bezdisëse. Por, Coker sugjeron që të mendosh edhe për qëllimin e miqve: “Ndoshta ata vetë ndihen të mërzitur për ndarjen, duan të rikthejnë marrëdhënien tuaj dhe të jenë në rregull edhe me ish-in tënd?”. Megjithatë, nëse kjo sjellje vazhdon, duhet të flasësh. “Përndryshe, është shumë mungesë respekti për ty, miqtë e tu dhe njerëzit e rinj që do të njohësh” thotë ekspertja.

Artikuj të sugjeruar: