Kur bëjmë biseda, qoftë me bashkëpunëtorë, të dashur apo edhe me të huaj, shmangia e këtyre frazave është reflektim pozitiv i një ndjenje të shëndetshme të vetëvlerësimit dhe besimit – gjëra që prindërit tanë kanë fuqinë të fillojnë t’i zhvillojnë te ne që në moshë të re.
Ja cilat janë disa prej këtyre frazave:
1. “S’di.”
Prindërit tuaj kanë bërë një punë të shkëlqyer duke ju rritur nëse refuzoni të thoni se nuk mund të bëni dot diçka – jo vetëm sepse keni mësuar të lulëzoni mes shqetësimit dhe pasigurisë që në moshë të re, por edhe sepse ka të ngjarë të jeni rehat të përqafoni sfidat në moshë madhore, qoftë në punë, në marrëdhëniet tuaja apo duke ndërtuar një rutinë të re.
2. “Kam turp ta bëj.”
Sikleti ndodh kur shqetësoheni shumë për atë që të tjerët mendojnë për ju. Megjithatë, kur përqendroheni më pak te vetja dhe më shumë në dëgjimin dhe të qenit të vëmendshëm ndaj njerëzve të tjerë në këto situata unike, ju shmangni zhytjen në panikun dhe ankthin e pasigurisë. Prindërit e shkëlqyer i inkurajojnë fëmijët e tyre të jenë empatikë dhe të vëmendshëm ndaj shoqërisë, duke mos përdorur “turpin” si justifikim.
3. “Nuk dua të bëhem barrë.”
Shumë të rritur të pasigurt me vetëbesim të ulët mbështeten në fraza të tilla për të justifikuar shtypjen e tyre emocionale dhe zakonet e izolimit. Prindërit e mirë duhet të forcojnë besimin se fëmijët e tyre janë të denjë për të zënë hapësirë dhe për të kërkuar mbështetje kur u nevojitet.
4. “Është e pamundur.”
Duke u kujtuar fëmijëve se është e mundur të lulëzojnë edhe përballë risisë, sfidës ose dështimit të perceptuar, ata nuk përdorin fraza si "Është e pamundur" për të shmangur situatat dhe ndërveprimet në moshë madhore që mund të çojnë në rritje personale.
5. “S’kam motivim.”
Të praktikosh vetëdisiplinë do të thotë të bësh diçka edhe kur nuk ndihesh i motivuar. Prindërit e mirë u mësojnë fëmijëve të tyre vetëdisiplinën që në moshë të re, duke u rikujtuar se në fund të fundit, motivimi është vetëm një ditë e mirë, puna e qëndrueshme është ajo që ka rëndësi.
6. “S’kemi ç’t’i bëjmë.”
Në vend të përdorimit të kësaj shprehjeje që të bën të heqësh dorë nga përgjegjësitë, prindërit e mirë i fuqizojnë dhe i lartësojnë me vetëbesim dhe vetëvlerësim fëmijët e tyre, që i motivon ata të jenë më optimistë dhe të qasur drejt zgjidhjeve të problemeve në moshë madhore.
Artikuj të sugjeruar:
Burimi: Your Tango
