Nëse keni ndjekur faqen “Andale” që shpesh promovohej në Anabel, atëherë mirë keni bërë! Ky projekt plot energji do të nisë zyrtarisht më 11 nëntor, duke sjellë një frymë të re në Shqipëri.

Ato që keni parë deri tani kanë qenë prova të shkëputura nga një trajnim (më intensiv sesa dukej), për të vazhduar më pas në fazën e “The Stazh Show”.  Për ju që nuk e kuptuat konceptin e stazhit, nuk mund të nxirrnim të rinj të papërgatitur në ekran! Prandaj pas praktikës (trajnimit) vjen pjesa e stazhit përpara se të punësohesh. Tani, ata janë të përgatitur për çdo sfidë televizive! (Ne jemi online, por po e thjeshtojmë për ju.)

I kemi lodhur pak e dimë dhe do vazhdojmë t’i lodhim sepse më 11 nëntor, “Andale” do të prezantojë gjithçka që është dhe çfarë do të jetë në të ardhmen. Projekti nis në #laVila me një numër të madh prodhimesh, që përfshijnë podkaste me tematika të ndryshme, aventura në stilin “Hostel”, streaming, sport, gatime virale, gaming dhe gradualisht, edhe seriale.

Në fazën e parë, të gjitha prodhimet janë të përqendruara te 20 të rinjtë e përzgjedhur, shumica prej të cilëve janë fytyra të reja për publikun, por që kanë kaluar me sukses çdo fazë të projektit. Këta të rinj, që sot kanë bërë prezantimin e tyre të parë zyrtar në Instagram, janë stërvitur dhe trajnuar për t’u përballur me çdo sfidë televizive. Nga mënyra e prezantimit, lirshmëria në të folur, guximi, sensi i humorit dhe çdo aspekt tjetër që është menduar me kujdes nga Dalina Buzi, ideatorja e këtij projekti.

Dalina e ka konceptuar “Andale” si një frymë të re për ekranet shqiptare dhe do të ketë edhe një program të sajin. Siç shprehet ajo vetë: “Mamaja ha gjithmonë e fundit.”

Edhe pse në ditët në vijim do të merrni më shumë informacion mbi çfarë po ndodh, ju sugjerojmë të mbani sytë hapur! Fituesit që shihni në fotot e rrjeteve sociale janë ata që kanë kaluar të gjitha fazat e projektit dhe janë gati të përballen me të tjera sfida.

Aldi

Artemis

Benard

Blerta

Ema

Eno (Messi)

Fatos

Flori

Keisiana (dhe Pookie)

Kejsi

Klea

Kostjan

Kristell

Megli

Orgita

Rafaela

Salion

Tomas

Xhastin

Xhesiana

Koncepti i #laVilla, ku këta të rinj kalojnë pjesën më të madhe të kohës, është krijuar në mënyrë që ata të mund të kalojnë nga një program në tjetrin, nga një aventurë në tjetrën. Ndërkohë që secili prej tyre bie në sy për karakterin e veçantë, ata bashkëpunojnë (dhe grinden) me njëri-tjetrin për të krijuar një atmosferë ndryshe. Siç e keni vënë re, informacionet po jua japim me pikatore, por më 11 nëntor gjithçka do të zbulohet dhe do të keni kohë të zbërtheni çfarë nuk keni kuptuar deri tani. Na ndiqni dhe urojmë t’i përqafoni këta të rinj me idetë e tyre të reja!

Artikuj të sugjeruar: