Zakonisht, ankthi dhe skepticizmi dominojnë takimet e para. Nga ana tjetër, ka njerëz të cilët, që nga momenti i parë që takojnë një person, fillojnë ëndërrojnë dhe ndjejnë flutura. Nëse partneri/partnerja e tyre tregon një histori të bukur, qesh me shakanë e tyre ose i prek dorën, ata menjëherë do të entuziazmohen. Kjo është e zakonshme për njerëzit që i përkasin shenjave të mëposhtme të horoskopit, të cilët idealizojnë jetën e tyre romantike.

Peshorja

Nuk është e pazakontë që një Peshore të bjerë në dashuri që në takimin e parë. Si një shenjë ajri e sunduar nga Afërdita romantike, Peshorja mund të shohë të mirën tek kushdo dhe gjithmonë dëshiron të jetë në një lidhje. Personat e kësaj shenje janë më të lumtur kur dikush kujdeset për ta, prandaj kanë tendencë të shijojnë “mjaltin” e fillimit. Nëse personi përballë i afrohet me mirësi, i impresionon me vëmendjen ndaj detajeve dhe duket inteligjent, gjasat janë që do të bien në dashuri me ta me shikim të parë.

Akrepi

Si një shenjë uji, Akrepët kanë tendencë t’i lexojnë mirë njerëzit. Ata mund ta dallojnë që në momentet e para të takimit nëse marrëdhënia do të funksionojë dhe pothuajse gjithmonë kanë të drejtë. Akrepët kërkojnë besnikëri, prandaj kanë tendencë të krijojnë lidhje të shpejtë shpirtërore me njerëzit. Meqenëse kjo shenjë ka një imagjinatë të zhvilluar, është gjithashtu e lehtë për Akrepët të krijojnë skenarë në mendjet e tyre për të ardhmen që nga takimi i parë.

Peshqit

Peshqit shijojnë artin e daljes dhe procesin e njohjes me dikë të ri. Ata investohen plotësisht në çdo takim, gjë që ua bën të lehtë të bien në dashuri. Ndryshe nga shenjat e tjera, të cilat janë të lumtura të shohin se si një takim evoluon me kalimin e kohës, Peshqit funksionojnë krejt ndryshe. Kjo është arsyeja pse shumë njerëz të kësaj shenje nxitojnë dhe krijojnë ndjenja që në takimin e parë. Si një nga shenjat më të çuditshme të horoskopit, ata magjepsen edhe nga gjërat më të vogla. Për shembull, nëse partneri/partnerja dëgjon të njëjtën muzikë, ata/ato mund ta konsiderojnë këtë si një shenjë të ecurisë pozitive të marrëdhënies. Po ashtu, ëndërrojnë për fundin ideal dhe e krijojnë atë në mendjen e tyre para se ta flasin me palën tjetër.

Burimi: Marie Claire

Artikuj të sugjeruar: