Para pak ditësh, Kendall Jenner ishte e ftuar tek dasma e një prej mikeshave të saj, Lauren Perez, ku shkoi e shoqëruar bashkë me Hailey Bieber dhe Bella Hadid. 

Supermodelja, duke qenë se ka luksin e të zgjedhurit çdo lloj fustani, vendosi për këtë! Kendall u shfaq e veshur me fustan si ky dhe përtej faktit që duket WOW, veshja e saj mërziti shumë njerëz rreth e përqark internetit.

Një pjesë e mirë e tyre, e panë zgjedhjen e saj si mungesë të theksuar etike ndaj eventit. Dihet botërisht, që ditën e dasmës është nusja ajo që duhet të marrë vëmendjen maksimale, por s'jemi dhe aq të sigurtë nëse njëra prej të ftuarave është Kendall Jenner. 

"Fustan i lezetshëm, por është i tmerrshëm për dasmë. Gjithë kjo para dhe nuk kanë klas dhe as konsideratë për të tjerët!"- shkruhej në një prej komenteve dhe siç duket nga numri i like-ve, dhjetëra të tjerë mendonin si ai.

"E ka seriozisht? Unë do t'i kërkoja të largohej!"- shkruan dikush tjetër. 

Veshja e Kendall është komentuar si mungesë totale respekti për vajzën që martohej duke qenë se të çarat ekstravagante të fustanit, tërheqin dyfish vëmendje në trupin e saj.