Rikard Ljarja, një nga ikonat më të shquara të kinematografisë shqiptare, ka ndërruar jetë në moshën 77-vjeçare si pasojë e një sëmundjeje të rëndë (via Gazeta Panorama).
Ljarja, i lindur në Shkodër, e nisi karrierën në kinematografi që pas përfundimit të gjimnazit duke ndjekur fillimisht studimet në Shkollën e Lartë të Aktrimit “Aleksandër Moisiu”. Pas studimeve, punoi si aktor në teatrin “Migjeni” në Shkodër dhe më pas si aktor, regjjisor dhe skenarist në disa nga filmat më të njohur të kohës.
Disa nga filmat ku spikati me talentin e tij janë "Rrugë të bardha", “Radiostacioni”, “Rrugicat që kërkonin diell”, "Shpërthimi", “Ilegalët”, “Kur zbardhi një ditë" etj.
Përsa i përket jetës private, Rikard Ljarja dhe bashkëshortja, aktorja Marjeta Ljarja, u njohën gjatë xhirimeve të filmit “Në pyjet me borë ka jetë” në vitin 1978.
Ngushëllime familjes!
