Marjana Kondi as që ka ndërmend ta zbusë inatin e dikurshëm me ministren Mirela Kumbaro. E ftuar në "Shiko Kush Luan", Kondi nuk reagoi aspak mirë kur gjatë një sfide loje, para saj u shfaq fotoja e Kumbaros.

"Uu ku më doli dhe këtu kjo! Unë i them në rrugë mos më fol, ajo prap më përshëndet. Unë i them mos më përshëndet ajo vazhdon. Një ditë më tha, të flas se është minimuni i edukatës. S'e kuptoj domethenë për çfarë më flet se ajo më hoqi nga puna."- dëgjohej të thoshte Marjana, që vijoi të thoshte "ç'budallenj mban kjo Tokë".

Sigurisht, edhe kjo i dedikohej ministres. Kjo s'është hera e parë që aktorja shpreh publikisht mungesën e simpatisë për Kumbaron, që pas përplasjes që patën në 2018-ën gjatë takimit të artistëve lidhur me çështjen e prishjes së Teatrit Kombëtar.

Nëse Kumbaro e ka harruar dhe e përshëndet rrugëve, Marjana s'ka ndërmend ta bëjë.