Ditë më të mira po vijnë! Java që na pret sjell realizëm dhe optimizëm. Prapavija e Plutonit në Ujor fillon më 4 maj dhe përfundon më 13 tetor, ndaj në këto muaj do të kemi mundësinë të kuptojmë fushat ku duhet të lulëzojmë.
Më 5 maj, Mërkuri në Dash lidhet me Jupiterin te Binjakët, duke na shtyrë të ngremë zërin tonë dhe të flasim hapur. Më 6 maj, Afërdita në Dash dhe Plutoni në prapavijë në Ujor sjellin në sipërfaqe dëshirat tona të fshehta. Mërkuri kalon te Demi më 10 maj, duke vendosur në harmoni mendjen dhe veprimet tona.
Dashi
Tani që sezoni i detyrimeve financiare ka përfunduar, po mbështetesh te shpërblimi që do të marrësh: një mbrëmje argëtuese me miqtë. Por mund të mos vijë aq shpejt sa mendon. Në vend që të ankohesh dhe të kesh një qasje optimiste, dil vetëm, krijo njohje dhe kujtime të reja.
Demi
Pak nga ankthi yt (të cilin ti di ta fshehësh mirë) po del në pah, duke të bërë të ndihesh i/e stresuar dhe i/e irrituar. Para se ta shkarkosh këtë gjendje te miku i ngushtë apo partneri, ndërmerr disa hapa për ta çliruar veten, përmes meditimit apo yoga-s.
Binjakët
Ti je mbajtësi dhe shpërndarësi i sekreteve—çka është paksa ironike, sepse zakonisht je ai/ajo që tregon gjithçka dhe ndez shkëndijat e zërave që më tej, qarkullojnë kudo. Këtë javë, po ruan informacionin për të mbrojtur të tjerët dhe për të ruajtur raportet me shoqërinë. Mos harro: Nëse dikush të thotë të mbash një sekret, e mira është që ta dëgjosh.
Gaforrja
Axhenda jote është plot dhe e ke të vështirë të gjesh pak kohë të lirë. Mbaj mend: Nuk je i/e detyruar të marrësh pjesë në çdo event që të ftojnë. Të jesh selektiv/e jo vetëm që do të të bëjë më misterioz/e, por edhe do të të japë mundësinë të përqendrohesh te personi më i rëndësishëm në jetën tënde—vetja!
Luani
Dramat vijnë dhe ikin në marrëdhënien tënde. Këtë javë, gjërat po nxehen shumë. Për të shmangur përplasjet, përpiqu të qëndrosh i/e qetë dhe të kanalizosh atë energji të fuqishme në intimitet. Lëri betejat për dhomën e gjumit, atje ku duhet!
Virgjëresha
Duket sikur të gjithë po të shqetësojnë pa pushim—por në fakt, je ti që po u lejon ta bëjnë këtë. Le të flasim për fjalën që ti e përdor rrallë: Kufijtë. Nuk ke pse të jesh gjithmonë aty për të përkëdhelur egon e të tjerëve. Askush nuk do të të gjykojë nëse i shmangesh mesazheve për pak kohë për të vendosur jetën tënde në rend.
Peshorja
Dikush të ka tërhequr vëmendjen dhe po të bën të skuqesh si adoleshent. Mos fillo të kërkosh në rrjetet sociale detaje personale. Provo mënyrën tradicionale të lidhjes: Dil në takime romantike, dërgo mesazhe flirtuese dhe mos u fut në profilin e ish-it të tyre në Instagram. Kaq mjafton.
Akrepi
Mund të duket se personi që të pëlqen po sillen keq, por ndoshta është vetëm një keqkuptim. Në vend që të reagosh me inat dhe të nisësh një "luftë të ftohtë", përpiqu të mendosh kthjellët dhe të zbulosh se ku qëndron problemi.
Shigjetari
Java që vjen është e qetë—fiks siç të pëlqen ty. Po kupton që nuk ke pse të jesh gjithmonë në qendër të vëmendjes. Ndonjëherë, të bësh gjërat vetë dhe të qëndrosh në prapaskenë është më mirë. Kështu mund të fokusohesh në projektet e tua apo aventurën e radhës.
Bricjapi
Mos i ndaj sukseset apo sekretet e tua me ata që nuk e meritojnë. Këta janë njerëz që duan të përfitojnë nga arritjet e tua dhe të rrinë me ty për interes. Ndaj është mirë të jesh më përzgjedhës me njerëzit që të rrethojnë. Ndihmo vetëm ata kolegë që kanë treguar besnikëri, jo ata që sillen në mënyrë të dyshimtë.
Ujori
Ti je personazhi kryesor—edhe nëse partneri apo miqtë po përpiqen të jenë në qendër të vëmendjes. Lëri të ankohen për pak, por mos u bëj pjesë e dramës së tyre. Qëndro i qetë dhe jep vetes më shumë dashuri. Mos u përfshi në situata të pamatura, që gjithsesi ty nuk të pëlqejnë.
Peshqit
Edhe pse s’doje, ja ku je, duke vepruar si ndërmjetës në çështje familjare. Mblidhi të gjithë bashkë, shko drejt e në temë dhe inkurajoji familjarët t’i dëgjojnë njëri-tjetrin me kujdes. Ka gjasa që gjërat do të përmirësohen sepse ti je tani psikologu i shtëpisë.
Artikuj të sugjeruar:
