Është shkruar shumë për sjelljen e secilës shenjë të horoskopit në një marrëdhënie. Por si reagojnë shenja të ndryshme pas ndarjes? Cilat shenja të horoskopit mund të bëhen, sipas karakteristikave të tyre, ish-partnerët më të tmerrshëm, duke e bërë edhe më të vështirë përvojën e dhimbshme të ndarjes?

Demi

Nëse e provokoni një Dem, qetësia e tyre mund t’i lërë vendin shpejt zemërimit dhe agresivitetit. Një ndarje mund të jetë gjithashtu një sfidë për ta, të cilën fillimisht mund ta përballojnë me një qetësi të pazakontë. Problemi është se mbetet e vështirë për këdo të parashikojë se si do të evoluojë sjellja e tyre. Për shembull, mund të ndodhë që reagimi fillestar papritmas t’i lërë vendin fjalëve dhe veprimeve irracionale. Ose pas një takimi me të që menduat se shkoi mirë, vjen një mesazh “helmues”. Derisa Demi të hyjë në një lidhje të re, ose të paktën të gjejë ngushëllim në shoqërinë e një miku të mirë, përgatituni për ulje-ngritje emocionale. Ju urojmë fat!

Luani

Dakord, kur është në një lidhje rrezaton energji pozitive. Por kjo energji, pas ndarjes, mund të zëvendësohet nga një forcë e errët. Papritur, mund ta kapësh ish-in tënd duke të përndjekur ndërsa ti po mbledh gjërat nga apartamenti i tij/saj, duke telefonuar mamanë tënde dhe duke qarë për ndarjen, ose edhe duke ndjekur miqtë e tu. Luani mund të kërkojë çdo mënyrë për të të manipuluar dhe për të të bërë të kthehesh tek ai. Këshilla jonë? Herën tjetër që ai të dërgon një fytyrë të trishtuar në telefon, gjëja më e mirë që mund të bësh, në vend që t'i përgjigjesh, është të bllokosh numrin.

Virgjëresha

E organizuar, vëzhguese, ndërsa ishit bashkë ajo dinte saktësisht çfarë të bënte dhe çfarë të thoshte për t'ju bërë të ndiheni sikur keni gjetur gjysmën tuaj tjetër. Pas ndarjes, gjithashtu e di saktësisht se çfarë të bëjë dhe të thotë që të të bëjë të të “dalë tym” nga zemërimi. Është një bekim dhe një mallkim të përjetosh një marrëdhënie me një Virgjëreshë, e cila di si t’i dallojë pikat e ndjeshme të partnerit të saj. Kujdes: Virgjëresha do t'ju mashtrojë duke ju bërë të mendoni se ka nevojë për mbështetjen tuaj emocionale, por nëse dorëzoheni, do t'ju injorojë hapur. Edhe nëse një ditë zhduket plotësisht, duke dhënë përshtypjen se ka vazhduar jetën, mos u habit nëse të shkruan përsëri një mesazh të ëmbël në ditën e ditëlindjes.

Ujori

Pavarësia dhe vetëmjaftueshmëria e tij mund të të kthehen kundër pas ndarjes. Ujori është i aftë të zhduket plotësisht, duke shmangur çdo komunikim dhe duke të lënë me pyetje pa përgjigje. Lutjeve të tilla si "duhet të flasim", do t'u përgjigjet me indiferencë tronditëse, duke e bërë përvojën e ndarjes edhe të dhimbshme. Madje, deri në atë pikë sa mund të fillosh të kthehesh në llojin e ish-partnerëve që të telefononin të dehur në orën dy të mëngjesit duke të lutur të riktheheshit bashkë. Të gjitha përpjekjet tuaja, nuk do të mjaftojnë për të “thyer” indiferencën e kësaj shenje.

Burimi: Marie Claire

Artikuj të sugjeruar: