Sipas HPI (The Henley Passport Index), që vlerëson renditjen e pasaportave të vendeve të ndryshme duke u bazuar te liria e shtetasve për të udhëtuar anembanë botës, dy pasaportat më të fuqishme i përkasin dy shteteve të Azisë.

Bëhet fjalë për Singaporin dhe Japoninë, të cilët kanë pasaportat më miqësore në botë. Thënë ndryshe, shtetasit e këtyre vendeve kanë liri udhëtimi, përkatësisht në 190 destinacione.

Në vendin e dytë renditet Koreja e Jugut, Finlanda dhe Gjermania, ku shtetasit mund të udhëtojnë në 188 destinacione të ndryshme nëpër botë, pa pasur nevojë për një vizë paraprake.

Në vendin e tretë qëndron Danimarka, Italia dhe Luksemburgu, me 187 vende.

Renditja e pasaportave më të fuqishme në botë:

1. Japonia, Singapori (190 destinacione)

2. Finlanda, Gjermania, Koreja e Jugut (188)

3. Danimarka, Italia, Luksemburgu (187)

4. Franca, Spanja, Suedia (186)

5. Austria, Hollanda, Portugalia (185)

6. Belgjika, Kanadaja, Greqia, Irlanda, Norvegjia, Mbretëria e Bashkuar, Shtetet e Bashkuara, Zvicra (184)

7. Malta, Republika Çeke (183)

8. Zelanda e Re (182)

9. Australia, Lituania, Sllovakia (181)

10. Hungaria, Islanda, Letonia, Sllovenia (180)

Pasaportat më të këqija në botë:

1. Afganistani (25)

2. Iraku (27)

3. Siria (29)

4. Somalia, Pakistani (31)

5. Jemeni (33)

6. Libia, Territori Palestinez, Sudani (37)

7. Nepali (38)

8. Lebanoni, Koreja e Veriut (39)

Burimi: CNN