Tani që Lady Gaga thuhet se po jeton një romancë të re me aktorin Jeremy Renner, është koha për t’ju kthyer edhe njëherë ish-it të saj, Christian Carino.

Nëse s’ju kujtohet këngëtarja dhe Carino u fejuan në mënyrën më sekrete të mundshme në 2017-ën dhe në po të njëjtën mënyrë, u ndanë krejt papritur në shkurt të këtij viti.

Arsyeja?! Ishte xheloz!

Burime pranë dyshes, thonë se ish-partneri nuk e trajtonte aspak mirë Gaga-n dhe se kishte xhelozi ekstreme.

“Ai donte ta dinte ku ishte ajo gjithë kohës. I shkruante në çdo sekondë. As miqtë e saj nuk e pëlqenin fare.”

Me pak fjalë, fejesa e saj u shndërrua në toksike dhe i dashuri bashkë me mesazhet e tij, në besdi! Pas ndarjes, Gaga  u përfol për një lidhje të mundshme me Bradley Cooper nisur nga performanca e tyre gjatë Oscar-it, por siç u sqarua, ishte thjesht një performancë.

Për momentin, këngëtarja e cila dje ka festuar ditën e saj të lindjes, thuhet se po shijon shoqërinë (dhe jo vetëm) me yllin e “Avengers”, Jeremy Renner.