Seksi është kryesisht një eksperiencë fantastike, por a e keni provuar ndonjëherë të hani një hamburger pas një orgazme? Nëse po, mund të habiteni kur të kuptoni se zgjedhja juaj për ushqim pas seksit mund të thotë shumë për ju.

Nëse kërkoni diçka të ëmbël apo shkoni drejt një pakoje me patatina në kuzhinën tuaj, ajo që zgjidhni të hani pas seksit mund të jetë një pasqyrë e shpirtit tuaj. Kjo, sepse është nënvetëdija juaj që po flet hapur.

Ekspertja e marrëdhënieve Nicole Moore thotë gjithashtu se mund të kuptoni shumë nga çfarë konsumon dikush pas seksit. "Pas seksit, njerëzit janë më të relaksuar dhe autentikë, dhe çfarë zgjedhin të hanë mund të tregojë shumë për karakterin e tyre," shton ajo.

Nëse pëlqeni të shijoni një snack pas seksit me partnerin/en tuaj, atëherë ky artikull është për ju. Ja çfarë mund të na tregojnë ekspertët për atë që zgjidhni të hani pas një seance intime.

Ushqime të kripura

Nëse pas seksit ju hahet diçka e kripur – si patatina, arra ose biskota – dhe kjo nuk ka të bëjë me nervozizmin tuaj për atë që sapo ndodhi, mund të jeni një person praktik dhe efikas, madje mund të jeni gati për një raund tjetër, thotë Frankie Bashan, psikologe.

Nicole Moore shton se nëse po konsumoni patatina pas seksit, tregon që nuk jeni shumë emocional. "Ju ndiheni më rehat duke i mbajtur gjërat në një nivel më të thjeshtë," thotë ajo.

Të ëmbla

Nëse pas seksit keni dëshirë për akullore, mund të jeni një person që është shumë emocional – si gjatë seksit, ashtu edhe në jetën tuaj të përditshme.

"Për ju, seksi i lidhur emocionalisht është shumë i rëndësishëm dhe mund të preferoni marrëdhënie ku jeni aq të lidhur me partnerin tuaj sa ndiheni si miq të ngushtë," thotë Moore. Të ëmblat mund të tregojnë se preferoni të krijoni një lidhje të thellë dhe plot dashuri.

Fast Food

Nëse kjo është zgjedhja juaj, mund të jeni shumë komodë me vetveten. "Nuk shqetësoheni për të lënë përshtypje të mirë apo nëse po gjykoheni," thotë Dr. Bashan.

"Jeni të drejtpërdrejtë dhe nuk e merrni veten shumë seriozisht." Në nivelin e marrëdhënieve, mund të jetë një shenjë se shijoni momentet që ju bëjnë të ndiheni mirë dhe nuk keni frikë të ndiqni kënaqësitë që ju ofrohen.

Ushqime mëngjesi

Nëse ju pëlqen të hani cornflakes, krepa ose diçka tjetër mëngjesi pas seksit, kjo mund të tregojë një natyrë nostalgjike dhe një lidhje me fëmijërinë.

"Pavarësisht moshës, mund të keni një energji rinore dhe një ndjenjë përjetësisht të pastër për jetën," thotë Moore. Nëse keni dëshirë për ushqime mëngjesi pas seksit, mund të tregoni se preferoni seksin në mëngjes dhe se jeni më të ngrohtë, të kujdesshëm dhe më të dashur në marrëdhënie.

Lëngje hidratuese

Nëse pini lëngje menjëherë pas seksit, ju ndoshta e shihni seksin si një sport dhe mund të jeni gati për raunde të tjera.

"Ju shijoni seksin me larmi dhe ndoshta kërkoni gjithmonë ndryshim, duke shmangur rutinën," thotë Moore. Jashtë dhomës së gjumit, mund të jeni një person që përqendrohet te shëndeti.

"Jeni të përqendruar tek rigjenerimi dhe shëndeti, duke u kujdesur për nevojat e partnerit tuaj po aq sa për ato të tuat," thotë Dr. Bashan.

Përfundimisht, zgjedhja juaj e ushqimit pas seksit mund të tregojë shumë për ju – dhe ndoshta, herën tjetër që do hani një snack pas një seance intime, mund të mendoni se çfarë po tregon ky ushqim për personalitetin tuaj!

Artikuj të sugjeruar:

_{Burimi: Pop Sugar}