KESHILLA PER BLERJET TUAJA
Shqipëria

Për herë të parë në histori, një grua fiton çmimin prestigjoz

Shkruar nga Anabel

20 Mars 2019

Për herë të parë në histori, një grua arriti të fitojë çmimin prestigjoz Abel, që i jepet njerëzve me arritje të mëdha në fushën e matematikës.

(Shën.red. Çmimi Abel është një çmim prestigjoz i emëruar në nder të matematicienit norvegjez Niels Henrik Abel dhe konsiderohet si më i rëndësishmi në këtë fushë pas çmimit Nobel.)

Karen Keskulla Uhlenbeck nga Universiteti i Teksasit në Austin do të marrë çmimin vjetor për kontributin e jashtëzakonshëm në këtë fushë.

Ky çmim, që jepet nga Akademia norvegjeze e Shkencave dhe Letrave, u vendos si një mënyrë për të trajtuar boshllëkun e çmimeve Nobel që nuk kanë një kategori për matematikën.

“Karen Uhlenbeck fiton çmimin Abel për punën e saj themelore në analizën gjeometrike, e cila ka ndryshuar gjerësisht peizazhin e matematikës,” tha Hans Munthe-Kaas, kryetar i Komitetit Abel.

Karen Uhlenbeck do t’i jepet çmimi Abel në një ceremoni të veçantë më 21 maj, në Oslo ku i pranishëm në ceremoni për t’i dhënë çmimin do të jetë mbreti i Norvegjisë, Harald V.

MOS I HUMBISNI