Pra, punë ish-të dashurish! Duket se Ariana Grande e ka ndarë mendjen ta fshijë njëherë e përgjithmonë Pete Davidson-in nga jeta dhe normalisht që tatuazhet nuk bëjnë përjashtim. Për t'ju freskuar memorien: në fillim të këtij viti, ajo bëri tatuazh numrin “8418” – që ishte një formë nderimi për të atin e ndjerë të Pete-it. Ai ishte zjarrfikës dhe ndërroi jetë gjatë sulmit të Kullave Binjake në New York më 11 shtator të vitit 2001, ditë kur në kostum mbante pikërisht numrin 8418.
Megjithatë ky tatuazh nuk është më pasi këngëtarja ka vendosur ta mbulojë duke shkruar “Myron” – emri i qenit të Mac Miller, ish- i dashuri i Ariana-s që ndërroi jetë në 7 shtator të këtij viti si pasojë e toksicitetit të përzierjes së fentanilit (ilaç kundër dhimbjes që përdoret zakonisht për anestezi), kokainës dhe alkoolit.
Pas vdekjes së tij, Ariana vendosi ta adoptonte qenushin Myron, i cili është tani aq i rëndësishëm sa e meriton një tatuazh.
Nuk është hera e parë që 25-vjeçarja mbulon tatuazhet dedikuar Pete Davidson. Për shembull zëvendësoi emrin e tij të shkruar në kursive
me një zemër të madhe të zezë.
Nga ana tjetër: sërish një zemër e madhe e zezë!
