Që në nisje të fazës së konkurrimit tek “E diela shqiptare”, Ardit Gjebrea premtoi që ky 20-vjetor i spektaklit të famshëm do të jetë gjithë surpriza. Dhe ashtu rezultoi! Surpriza e radhës: Skenografia!
Siç mund ta shihni nga fotot e siguruara nga Anabel.al, skena është më madhështore se kurrë.
Duke qenë se ky është një vit i rëndësishëm për “Kënga Magjike”, organizatorët vendosën që të marrin më shumë hapësirë nga salla në mënyrë që skena të ndërtohet me gjithë elementët e nevojshëm.
Ashtu si në edicionet e kaluara, juria e kategorisë “New Artist” do të pozicionohet në këtë hapësirë, së bashku me konkurrentët që nuk do të performojnë në natën përkatëse.
Ju kujtojmë që këtë vit, ndër të tjera festivali vjen me risinë teknologike – livestream në VR.
Dy netët e para gjysmëfinale do të jenë në datat 5 – 6 dhjetor, ndërsa finalja e madhe të shtunën, më datë 8 në Pallatin e Kongreseve.
