Aktorja e njohur me origjinë shqiptare Eliza Dushku i ka dhënë fund beqarisë në një ceremoni private. Ditën e djeshme 37- vjeçarja ka ndarë me ndjekësit në profilin e saj në Instagram disa foto nga dasma aspak e zhurmshme me biznesmenin amerikan 54- vjeçar Peter Palandijan.
Aktorja duket se ka preferuar që këtë ditë të veçantë ta mbajë për vete, duke ndarë me fansat vetëm disa imazhe të kësaj ceremonie.
Peter Palandijan është president i “Intercontinental Real Estate Corporation” me qendër në Boston, kompani që është themeluar nga i ati. Palandijan është baba i 4 fëmijëve që kanë ardhur në jetë nga lidhjet e tij të mëparshme.
