Bashkë me hyrjen e shtatorit, programet e njohura i rikthehen ekranit për të nisur sezonin e ri televiziv. Dhe sigurisht, pjesa më e madhe e tyre vijnë me ndryshime dhe ide të reja. Edhe programi investigativ ‘Stop’ ka rinisur me ndryshim.

Dy velinat që do të shoqërojnë Saimirin dhe Gentin nuk do të jenë më vajzat që kemi parë deri më tani, Alba dhe Ensa, por 2 balerina të tjera.

Pak para fillimit të programit, ata kanë prezantuar velinat që do t’i shoqërojnë përgjatë emisionit të tyre. Njëra prej vajzave quhet Alesia Bami, ish- shoqëruese e dytë e ‘Miss Universe Albania 2014’ dhe vajza tjetër me emrin Onelda.

Të dyja, do të jenë imazhe të emisionit investigativ përgjatë gjithë këtij sezoni.