Të shtunën e 14 majit zuri vend martesa më e përfolur e muajit: Summeye Erdogan, vajza e Presidentit turk Recep Tayip Erdogan u bashkua në martesë me sipërmarrësin Selcuk Bayraktar. 6 mijë të ftuar, mes të cilëve edhe kryeministri shqiptar Edi Rama i cili qëndroi në podium së bashku me Presidentin turk, kryeministrin turk Ahmet Davatoglu, kryetari i kuvendit turk Ismail Kahraman, si edhe zyrtarë të tjerë të lartë të shteteve si Libani, Bosnja Herzegovina e Pakistani.
Ceremonia gjigande u mbajt në sheshin e Küçükçekmece-s në Stamboll. Martesa nisi me leximin e Kuranit, e nusja ishte veshur me një fustan të bardhë me punime lulesh në pjesën e bustit dhe një perçe të bardhë në kokë. Qyteti po përgatitej prej ditësh për këtë ngjarje, e cila u mbajt nën një siguri të rreptë: makina të blinduara e forca sigurie ruajtën gjatë gjithë kohës që zhvillohej martesa më e përfolur për popullin turk.
Burimi: Hurriyet Daily News
