Kelley Mack, aktorja e njohur për rolin e saj në serialin “The Walking Dead”, ka ndërruar jetë.
Aktorja nga Cincinnati, Ohio, ndërroi jetë më 2 gusht, pasi u diagnostikua me gliomë të sistemit nervor qendror, thuhet në nekrologjinë e saj të martën, më 5 gusht. Ajo ishte 33 vjeçe.
Të afërmit e saj e konfirmuan lajmin e ndarjes nga jeta edhe përmes rrjeteve sociale të vetë aktores, po atë ditë.
“Me një trishtim të thellë njoftojmë ndarjen nga jeta të Kelley-t tonë të dashur. Një dritë kaq e ndritshme ka kaluar përtej, atje ku të gjithë një ditë do të shkojmë,” thuhej në postimin e publikuar në llogarinë e saj në Instagram.
View this post on Instagram
Si në postimin në Instagram, ashtu edhe në nekrologjinë e saj, thuhej se Mack “u nda nga jeta në paqe”, e rrethuar nga familjarët.
Mack kishte 35 role si aktore dhe pesë si producente. Ajo luajti rolin e Addy-t në sezonin e 9-të të “The Walking Dead”, serial i cili zgjati 11 sezone, nga viti 2010 deri në përfundimin e tij në vitin 2022.
Gjithashtu, ajo interpretoi në rolin e Penelope Jacobs në sezonin e 8-të të “Chicago Med” dhe në serialin “9-1-1” në FOX. Mori pjesë edhe në filma si “Broadcast Signal Intrusion” dhe në filmin e fundit “Delicate Arch”.
Mack përfundoi shkollën e mesme Hinsdale Central në vitin 2010 dhe në vitin 2014 u diplomua në kinematografi në universiteti “Chapman”, në Kaliforni.
Mack u la pas nga prindërit e saj, Kristen dhe Lindsay Klebenoë; motrën Kathryn dhe vëllai Parker; gjyshërit Lois dhe Larry; si dhe të dashurin, Logan.
