Foto: Brooklyn Beckham dhe Nicola Peltz/ Instagram

Brooklyn Beckham dhe Nicola Peltz kanë vendosur të rinovojnë betimet e tyre martesore, tre vjet pas dasmës së parë luksoze në Palm Beach. Por këtë herë, buzëqeshjet ishin më të përmbajtura, ndoshta sepse nuk u panë askund mami dhe babi Beckham, as vëllezërit Romeo e Cruz, e as motra Harper.

Në një ceremoni të mbajtur më 2 gusht, çifti tha edhe një herë "po", një përpjekje për të rikujtuar dashurinë, përkushtimin dhe ndoshta, për të përballuar ftohtësinë që ka rënë në marrëdhëniet me familjen Beckham.

Një burim pranë çiftit tha për People:

“Kjo ishte një ditë e veçantë për dashurinë e tyre. Ishte për ta, jo për të tjerët.”

Dhe “të tjerët”, me sa duket, e dinë shumë mirë se nuk ishin të ftuar.

Brooklyn dhe Nicola janë bashkë që prej vitit 2019, ndërsa fejesa ndodhi vetëm 7 muaj pas daljes së parë publike në Instagram. Ata u martuan në prill të vitit 2022, me gjithë familjen Beckham të pranishme. Por këtë vit, gjërat kanë ndryshuar.

Mungesa e tyre në 50-vjetorin e David Beckham nuk kaloi pa zhurmë. Thashethemet thonë se përplasjet e Brooklyn me vëllanë Romeo (i cili ishte lidhur me ish-të dashurën e tij) kanë çuar në një distancë emocionale mes tyre, me prindërit që kanë zgjedhur të mbështesin më të voglin.

Nëse në dasmën e parë kishim të gjithë Beckham-ët të bashkuar, këtë herë kemi një dasmë “private”, ndoshta pak më e qetë, por jo më pak dramatike.

_{Burimi: News18}