Ajo prej kohësh dëshironte të kishte një fëmijë dhe tashmë duket se më në fund, koha ka ardhur. Jennifer Aniston është fotografuar në plazh në Bahamas me bashkëshortin Justin Theroux dhe ajo që ka rënë në sy, ka qenë barku i rrumbullakosur i aktores.
Dhe ëndrra e saj mesa duket është bërë realitet, duke qenë se edhe një burim pranë çiftit, ka pohuar për “InTouch Weekly” se 47-vjeçarja është në pritje të fëmijës së saj të parë.
“Ajo dhe Justin janë në ekstazë. Jen prej vitesh dëshironte të kishte një fëmijë me Justin,” ka thënë burimi. Lajmi i shtatzënisë mesa duket ka ardhur në kohën e duhur pasi Aniston sapo ka humbur të ëmën dhe u përfol për një zënkë me bashkëshortin që pothuajse përfundoi me një ndarje. Dhe kjo shtatzëni surprizë, duket se e ka kthyer periudhën më të keqe të jetës së saj në atë më të bukurën.
Burimi: Daily Mail/ përshtati: Kristi Tashi
