Pavarësisht ish-bashkëshortit që u përpoq të përfitonte nga situata për vëmendje duke tentuar të prishte dasmën, Britney Spears dhe Sam Asghari thanë “Po, pranoj!”.
Burime të shumta konfirmuan për People se ata u martuan të enjten mbrëma në Los Angeles.
Sipas burimeve, Britney veshi një fustan nga Versace dhe eci në altar me në sfond këngën "Can't Help Falling in Love" të Elvis Presley.
"Unë jam shumë i entuziazmuar që ka ardhur kjo ditë dhe ata janë martuar. E di që ai e dëshironte prej kaq shumë kohësh. Ai është kaq i kujdesshëm dhe mbështetës në çdo hap të rrugëtimit," tha menaxheri i Asghari, Brandon Cohen, për People pas ceremonisë.
Para festimeve, një burim i brendshëm zbuloi se Spears, 40 vjeç, e kishte planifikuar ditën e saj të dasmës për gati nëntë muaj. “Britney filloi të planifikonte dhe ëndërronte për martesën menjëherë pasi u fejua në nëntor," tha burimi për People. "Është një arritje e madhe për të që më në fund është në gjendje të martohet. Ajo dëshiron që dasma të jetë e përsosur."
Djemtë e saj, Sean Preston, 16 vjeç dhe Jayden James, 15 vjeç, nuk ishin të pranishëm në dasmë, por janë "të lumtur" për nënën e tyre, tha një avokat i Kevin Federline.
Thuhet se vetëm vëllai i Britney-t, Bryan, ishte i pranishëm, ndërsa nëna, babai dhe motra e saj, Jamie Lynn, jo.
Artikuj të rekomanduar:
- Ish-burri i Britney Spears prish dasmën e saj me Sam Asghari
- Në një intervistë të rrallë, Sam Asghari flet për humbjen e fëmijës me Britney Spears!
- Britney Spears humb bebushin: 'Kjo është periudhë e tmerrshme për çdo prind'
- Britney thotë publikisht se e ëma meriton të shkojë në burg: 'Fshehurazi, më shkatërroi jetën'
- Më në fund, Britney është e lirë: Këngëtarja flet pas vendimit historik
- Britney Spears: ‘Zot, ki mëshirë për familjen time nëse jap ndonjëherë një intervistë’
