Miley Cyrus dhe Liam Hemsworth i dhanë fund fejesës në 2013, për t’u ribashkuar në janar të 2016- s.
“Nuk mund ta tregoj dot me fjalë se sa të dashuruar janë me njeri- tjetrin. Tani e dinë fort mirë që jetën duan ta kalojnë bashkë.” tha një burim për “OK!” vitin e shkuar.
Marsin e kaluar nisi të flitej për një martesë në fshehtësi të dyshes, pasi babai i Miley- t postoi këtë foto:
“Jam kaq i lumtur... ti je e lumtur!” shkroi ai ndërkohë që Miley shfaqej me një fustan të bardhë.
Dyshja nuk deklaroi asgjë në vazhdim, ndaj spekulimet u hodhën poshtë. Tanimë, pas kaq muajsh jemi prapë në të njëjtën pikë: Mos Miley dhe Liam janë martuar?
Çifti prej ditësh ndodhet në Byron Bay, Australi ku festoi ndërrimin e viteve. Sipas “NW Magazine” dhe “Daily Mail” ata kanë organizuar një ceremoni private, larg ndriçimit të kamerave dhe paparacëve.
“Byron Bay është një vend kaq special për ta, kështu që u pa si i duhuri. Aty ata kuptuan që s’jetonin dot pa njëri- tjetrin dhe vendosën ta çonin marrëdhënien e tyre drejt një stadi tjetër.” tha një burim i afërt me ta.
Pavarsisht se kudo po flitet me siguri për një dasmë, këtë herë jemi disi më të rezervuar për të dalë në përfundime. Kjo po të kemi parasysh se në nëntor të 2017- s një burim i afërt me Miley- n tha:
“Miley s’kanë në plan të martohen për një kohë të gjatë. Ata janë çmendurisht në dashuri ama gjithsesi ka disa gjëra që duhet të kalojnë bashkë para se të martohen.”
Vetëm në qoftë se u ka shkrepur në kokë të martohen dhe se kanë menduar dy herë.
