Secili prej nesh është unik, kjo është e sigurt, por sipas testit Myers-Briggs, ne të gjithë i përkasim një prej 16 llojeve të ndryshme të personaliteteve. Më i rralli prej tyre quhet INFJ, i cili vjen nga shkronjat e fjalëve angleze për konceptet e introversionit, intuitës, ndjenjës dhe gjykimit. Kjo kategori korrespondon me vetëm 1.5% të popullsisë së përgjithshme.

Personat e karakterizuar nga ky tip specifik personaliteti, ndonëse kanë një natyrë introverte, në të njëjtën kohë e përqendrojnë vëmendjen e tyre tek të tjerët. Ata janë mjaft të aftë për të mos i lënë emocionet t'i kontrollojnë, por sjellja e tyre diktohet, në një masë të madhe, nga të menduarit logjik. Në varësi të situatës, ata mund të gjejnë balancën mes vetëkontrollit dhe spontanitetit. Duke qenë se ato kombinojnë tipare nga lloje të ndryshme personaliteti, nuk është e lehtë t'i njohësh.

Jane Granneman, autore e librit “The Secret Lives of Introverts: Inside Our Hidden World”, argumenton se karakteristika kryesore e një INFJ është intuita introverte. INFJ ka dhuntinë, pra, të perceptojë modelet në botën rreth tij shpesh pa e kuptuar as vetë. Në këtë mënyrë, ai është i aftë për të kuptuar psikologjinë e karakterit të atyre që e rrethojnë, një dhunti kjo që nuk është gjithmonë e dukshme apo e pranishme te të tjerët.

E meta kryesore e këtij personaliteti? Këta persona e vendosin veten lehtësisht në vendin e tjetrit dhe mund të ndiejnë atë që tjetri ndjen, pra empatia. Në këtë mënyrë, të tillë persona bëhet shumë emocionalë, duke “thithur si sfungjer” edhe ndjesitë apo dhimbjen e një të panjohuri – për të cilin mund të ketë lexuar, për shembull, në një lajm. Sidomos kur bëhet fjalë për dikë të afërt bëhen edhe më emocionalë. Të paktën, falë ndjeshmërisë, të tillë persona e kuptojnë instinktivisht se si të mbështesin të dashurit e tyre në një kohë të vështirë.

Dëgjoni më shumë informacion për llojin më të rrallë të personalitetit në botë:

Burimi: Marie Claire