Kris Jenner dhe i dashuri Corey Gamble u shfaqën me unaza të njëjta në eventin e bamirësisë së fondacionit "Brent Shapiro". "Monarkja" e familjes Kardashian-Jenner buzëqeshte hareshëm në krah të partnerit 35-vjeçar. 60-vjeçarja mbante një unazë të madhe plot shkëlqim, e po kështu edhe Gamble.
Marrëdhënia e tyre nisi në 2014-ën, dhe janë parë me unaza të tilla prej kohësh. Megjithatë, këtë herë ata u shfaqën në tapetin e kuq duke i treguar ato në mënyrë demostrative, si për të deklaruar fejesën.
Shumë elegante e veshur e tëra në të zezë, nëna-menaxhere e familjes më të famshme në botë bënte kontrast me veshjen; mediat vunë menjëherë në dukje lumturinë e buzëqeshjes së të dyve.
Burimi: DailyMail
