Rikthimi i Dafinës në Kosovë shoqërohet dhe me një ftesë në emisionin “1 kafe me labin”. Këngëtarja, e cila prej kohësh nuk shfaqej në televizion, është përlotur live kur prezantuesi i ka përmendur nënën e motrave Ismaili.
Ai i ka kujtuar asaj mungesën e komunikimit midis saj dhe motrave Ismaili dhe faktin që Dafina u shprehu atyre ngushëllimin për humbjen e Monës. Dafina është prekur shumë nga kjo temë duke treguar anën e saj të ndjeshme dhe duke shpërthyer në lot. Ajo ka sqaruar se me Zanfinën nuk është e vërtetë se nuk flet më, thjesht janë shkëputur pa ndonjë arsye ose “sherr”, duke na lënë të kuptojmë se histori të tilla "shkrijnë akujt" e krijuar prej vitesh.(foto 2/3)
Këngëtarja ka shprehur përsëri ngushëllimet për Monën publikisht dhe tregon sa e lidhur është ajo me nënën e saj dhe se e kupton dhimbjen e motrave Ismaili, pasi edhe Dafina po përballet me disa operacione që nëna e saj i është nënshtruar.
Burimi: Telegrafi
