Dafina Zeqiri, e cila është në pritje të ëmbël, do të mbajë koncertin e fundit para se të sjellë në jetë bebushin. Ajo bëri një postim emocional në Threads, ku u shpreh:

“Këtë të shtunë kam koncertin e fundit për një kohë (të pacaktuar). Kam pak emocione, se s’e di kur do kthehem prapë për të performuar live, ama projektet nuk do të ndalen”.

“Ka shumë të mira rrugës, 1 surprizë shumë të bukur për këtë verë (për të tjerat s’po flas, po ia lë kohës). Mezi po pres të kënaqemi bashkë edhe një herë live – deri herës tjetër. Ju dua shumë”, përmbylli ajo postimin.

Dafina e njoftoi lajmin e shtatzënisë në janar të këtij viti, duke bërë të ditur që pret të sjellë në jetë një djalë.

Shpeshherë, këngëtarja është kritikuar për performancat e saj nëpër club-e, deri në pikën që reagoi përmes një postimi në Instagram.

“Unë jam shtatzënë dhe vazhdoj të performoj në koncerte, sepse kjo është arsyeja përse e kam nisur këtë rrugëtim që në fillimet e mia. Që nga fëmijëria, performanca dhe muzika kanë qenë terapi për mua – më kanë ndihmuar të përballem me depresionin, të shprehem lirshëm dhe të përballoj sfidat e jetës, qofshin ato emocionale apo fizike. Edhe kur nuk jam ndier mirë, skena ka qenë vendi im i shërimit”, ka shkruar ajo.

Dafina shtoi se vajzat dhe gratë duhet të bëjnë atë që duan gjatë shtatzënisë, pasi kjo nuk është një periudhë ku jeta ndalon: “E bëj këtë punë jo për para, por nga dashuria e pastër për muzikën dhe artin. Besoj se çdo grua ka të drejtën dhe fuqinë të vazhdojë karrierën e saj gjatë shtatzënisë, për sa kohë është e shëndetshme dhe ka një shtatzëni të sigurt. Të jesh shtatzënë nuk do të thotë se je e sëmurë apo se duhet të ndalosh jetën tënde."

Artikuj të sugjeruar: