“Trendi” i ri i frymëzuar nga aktore dhe modele shumë të dobëta, mund të arrihet tashmë me anën e një ndërhyrjeje me lazer. Ajo nuk është e dhimbshme dhe kushton 1000 dollarë.
Cara Delevingne, Alexa Chung, Diane Kruger e shumë të tjera merren si modele për trupat e tyre shumë të dobët dhe që kanë “thigh-gap-in” e shumë dëshiruar.
Sipas doktoreshës Vonda Wright, kofshët e holla, që nuk prekin njëra-tjetrën në pjesën e sipërme të tyre, janë gjenetike. Edhe vajza shumë të dobëta, mund të mos kenë hapsirë midis kofshëve, pasi për ta patur, duhet një konstrukt i gjerë i legenit.Nuk dihet saktësisht se sa çregullime me ushqimin, shkakton ideja e të patrit trupa “perfektë”, ide të cilat diktohen nga revistat dhe interneti.
Burimi: DailyMail
