Khloe Kardashian mund të mos reagojë për komentet e hidhura që dëgjon për veten, por nuk ndodh kështu kur bëhet fjalë për vogëlushen 3-vjeçare, True.

Gjatë rritjes së saj Khloe është përballur here pas here me komente rreth trupit të vajzës vetëm sepse ajo është shumë e gjatë. 

"True është shumë e gjatë për moshën që ka. Njerëzit sa herë e shohin thonë, "Sa e madhe është" dhe mua më duhet t'i korrigjoj dhe i them se "është thjesht e gjatë". I kërkoj të shprehen me fjalën e duhur. E di çfarë nënkuptojnë të rriturit kur e thonë këtë, por nuk dua që ajo ta keqinterpretojë fjalën "e madhe" dhe të mërzitet."

Ndër të tjera, Kardashian u shpreh se ka zgjedhur që e bija të edukohet dhe të jetojë me realitetin, që do të thotë t'i shohë gjërat siç janë jo siç mund t'i serviren asaj.

"E kam vënë re që është paksa e ashpër, gjë që për mua është shumë e mirë. Dhe nëse kjo është ajo, unë s'do përpiqem ta ndryshojë. Përpiqem t'i them se është ok nëse ajo qan kur diçka s'po shkon mirë. S'dua që ajo të jetojë në flluskë sapuni vetëm se ne kemi privilegjin të bëjmë jetën që bëjmë. Dua që ajo të njohë gjithë llojet e jetesës dhe të jetë e ndërgjegjshme për çfarë ka rreth e rrotull."

Burimi: BuzzFeed