Këngëtari kryesor i grupit fitues të Eurovision Song Contest, Kalush Orchestra, shkoi në vendlindje për t'i shërbyer Ukrainës.
Reperi Oleg Psiuk puthi të dashurën në Torino para se të merrte gjërat e tij në një taksi dhe të nisej për në aeroport, raporton The Telegraph.
"Kultura jonë është nën sulm. Ne donim t'i prezantonim botës muzikën tonë. Unë e shkrova këngën e Eurovision për mamanë time para luftës - por më pas, ajo filloi të merrte një kuptim tjetër për njerëz të ndryshëm," tha ai.
"Unë do të kthehem në shtëpi pasi drejtoj një organizatë vullnetare që ndihmon refugjatët me ushqim, strehim dhe mjekim. Do të vazhdoj ta bëj këtë. Ne do të presim Eurovision në një Ukrainë të sapondërtuar dhe të lumtur."
Në vazhdën e fitores të së shtunës, presidenti ukrainas Volodymyr Zelensky u zotua se qyteti i Mariupol, i cili është shkatërruar nga bombardimet e forta nga trupat e Vladimir Putin, do të organizojë festivalin vitin e ardhshëm.
