Gigi Hadid dhe Bradley Cooper mund të shkojnë së shpejti drejt altarit…të paktën sipas një burimi për Page Six.
Një person anonim dhe i afërt me çiftin, tregoi se marrëdhënia e tyre po bëhet gjithnjë e më serioze dhe se Bradley Cooper po mendon që “të martohet dhe të bëjë fëmijë me Gigi-n”.
Ylli i “The Hangover”, 50 vjeç dhe supermodelja, 30 vjeç, ndezën për herë të parë thashethemet për një romancë në tetor 2023, kur u panë në një darkë romantike në restorantin e famshëm “Via Carota” dhe që asokohe, nuk janë ndarë më.
Thuhet se të dy duan fëmijë dhe “ata e shohin veten me një familje të përzier, me vajzat e tyre dhe fëmijë të përbashkët”, u shpreh një tjetër person, ndërsa një burim i tretë tha se “ata janë jashtëzakonisht të lumtur dhe duket sikur jetojnë në botën e tyre”.
Cooper ka një vajzë 7-vjeçare me ish-partneren e tij, modelen Irina Shayk.
Hadid ka një vajzë 5-vjeçare me ish-të dashurin e saj, Zayn Malik, me të cilin është ndarë në vitin 2018 dhe bashkëprindërojnë.
Në janar, një burim i tha People se fëmijët e Cooper dhe Hadid kalojnë kohë së bashku.
“Janë shumë të ëmbël. Ata janë të zënë me punë, por gjithashtu i japin përparësi marrëdhënies së tyre me vajzat”, tha personi në fjalë.
Gigi dhe Bradley nuk para kanë folur për marrëdhënien e tyre, por modelja, u shpreh si rrallëherë për Vogue se “ndihet me fat”.
“Mendoj se të arrish në një pikë kur e di çfarë dëshiron dhe meriton në një marrëdhënie është thelbësore. Pastaj, të gjesh dikë që është në një fazë të jetës së tij ku edhe ai e di çfarë dëshiron dhe meriton… dhe që të dy punoni veçmas për të qenë partneri më i mirë i mundshëm për njëri-tjetrin. Ndihem me të vërtetë me fat”, u shpreh ajo.
Yll do dukej Gigi si nuse, që të jemi të sinqertë.
