Nëse të intereson (normal që po sepse e ke klikuar artikullin), princ William dhe princ Harry janë ende të zemëruar me njëri-tjetrin. Marrëdhënia e tyre nuk ka një zhvillim pozitiv, por po bën hapa mbrapa, gjithsesi, askush nuk do t’i shohë “të ndarë”, veçanërisht Kate Middleton.
Bashkëshortja e princ William po bën maksimumin e saj që t’i pajtojë vëllezërit. Sipas një burimi, Kate e di se pavarësisht gjithçkaje, sërish William e ndien humbjen dhe mungesën e Harry-t, ndaj po përpiqet shumë që të dy të rikthehen si më parë.
Ajo ftoi princ Harry në Montecito dhe sugjeroi që të jetë prezent në ditëlindjen e William. Problemi? Edhe mbretërorët mbajnë inate (si ne) dhe nuk ka shumë shpresë për një ribashkim.
Por, duhet të të rikujtojmë se gjaku nuk bëhet ujë, sidomos ai mbretërori. Sërish vëllezërit e duan shumë njëri-tjetrin. Thjesht për momentin, William është *ende* i mërzitur me vendimin e Harry-t për t’u larguar nga familja (dhe privilegjet) mbretërore dhe nuk ka në plan të shtiret sikur çdo gjë shkon perfekt.
Ne qëndrojmë në pritje të një mrekullie, sepse për hir të së vërtetës, Kate Middleton duket si një person shumë i vendosur.
Artikuj të sugjeruar:
