Nëse ke ndjekur koncertet e fundit të Justin Timberlake, mund të kesh vënë re se ylli nuk ishte gjithmonë në formën e tij më të mirë. Në një rrëfim të sinqertë në Instagram, Justin zbuloi se prej disa kohësh po përballet me një diagnozë serioze që i ka ndryshuar jetën, Lyme Disease, një sëmundje që shpjegon shumë nga lodhja dhe dhimbjet që ai përjeton.
Çfarë është Lyme Disease?
Kjo sëmundje shkaktohet nga pickimi i një rriqre të infektuar dhe është e njohur për simptomat e saj të fshehta dhe të lodhshme. Në fillim, mund të duket si grip i zakonshëm ose lodhje ekstreme, por nëse nuk trajtohet me kohë, prek nervat dhe shkakton dhimbje të forta, lodhje të vazhdueshme dhe probleme mendore, të cilat Justin i ka përjetuar gjatë turneut të fundit.
View this post on Instagram
Në postimin e tij, Justin e përshkroi përvojën si “një nga më të vështirat fizikisht dhe emocionalisht që ka kaluar, por edhe një nga më të bukurat, falë dashurisë dhe mbështetjes që ka marrë nga fansat dhe familja.” Ai tregoi se pas diagnozës u ndje i tronditur, por ndjeu lehtësim të paktën sepse mundi të kuptonte pse shpesh ndjente dhimbje nervore të forta dhe lodhje që ia bënin pothuajse të pamundur performimin.
Megjithatë, megjithëse mendoi të anulonte pjesën e mbetur të turneut, ai vendosi të vazhdojë “sepse gëzimi që i jep skena i kalon të gjitha vështirësitë.” Por Justin nuk fshehu dyshimet e tij për të ardhmen:
“Kjo sëmundje është me të vërtetë e lodhshme dhe shpesh më bën të ndihem sikur nuk do të mund të vazhdoj më në këtë ritëm.”
Fansat kanë vënë re energji të ulët në koncertet e tij së fundmi, madje disa video të performancave të tij ku ai lë fansat më shumë të këndojnë sesa ai vetë kanë bërë xhiron e internetit. Tani, pas zbulimit të sëmundjes, gjithçka duket më e kuptueshme.
Në fund, Justin falenderoi të gjithë ata që e kanë mbështetur gjatë kësaj periudhe të vështirë, bashkëshorten e tij Jessica Biel, dy djemtë, bandën, kërcimtarët dhe ekipin e turneut.
“Asgjë nuk është më e fortë se dashuria juaj pa kushte. Ju jeni zemra dhe shtëpia ime. Jam në rrugën drejt përmirësimit...” përfundoi ai me shpresë.
-
Justin Timberlake anuloi koncertin dhe njerëzit kanë komente
10 Tetor, 16:47 -
-
