Këngëtarja britanike Jessie J ka ndarë me ndjekësit e saj në Instagram një rrëfim të ndjeshëm dhe personal, duke zbuluar se është diagnostikuar me kancer të gjirit në fazë të hershme.
Në një video të publikuar më 3 qershor, ajo tha:
“Dua të ndaj diçka me fansat e mi dhe me njerëzit që më duan. Jam kjo që jam, pasi gjithmonë kam ndarë çdo gjë që kam përjetuar.
Para se të publikohej kënga ‘No Secrets’, u diagnostikova me kancer gjiri në fazë të hershme.”
Ajo shtoi se ka bërë të gjitha kontrollet e mundshme.
“E theksoj fjalën ‘fazë e hershme’. Kanceri është i tmerrshëm në çdo formë, por kjo më jep forcë. Gjatë gjithë kësaj kohe kam bërë analiza pa fund.”
Nuk kam folur shumë për këtë… por ndihem më mirë kur e ndaj me të tjerët.”
Ajo u shpreh se dëshiron të jetë e hapur dhe të ndajë përvojën e saj, jo vetëm për vete, por edhe për të tjerët:
“Nuk flas mjaftueshëm për këtë. Nuk kam pasur kohë ta përpunoj si informacion, sepse kam punuar shumë.
Por e di sa shumë më ka ndihmuar në të shkuarën, kur kam ndarë me të tjerët gjërat që kam kaluar.
Të gjithë më kanë dhënë dashuri, mbështetje dhe më kanë rrëfyer historitë e tyre.”
View this post on Instagram
Jessie J theksoi se planifikon të tërhiqet për pak kohë nga skena, pas performancës së saj të ardhshme në Summertime Ball më 15 qershor, për t’iu nënshtruar një ndërhyrjeje kirurgjikale.
“Do të kthehem me gjoks të madh dhe muzikë të re!”, u shpreh ajo me humor.
Jessie J është nënë e një djali 2-vjeçar, Sky, me partnerin e saj Chanan Safir Colman.
Në komentet e postimit, Jessie mori mbështetje të madhe nga fansat dhe miqtë e saj të njohur, mes tyre edhe Rita Ora, e cila shkroi:
“Je personi im i preferuar. Lutem për ty. Edhe mamaja ime ka kaluar të njëjtën gjë, e di sa e vështirë është psikologjikisht operacioni dhe çdo trajtim. Jam këtu për ty.”
Artikuj të sugjeruar:
